Dakizuenez, aurten, Laudioko Udalak, Jai Batzordearen bitartez, Laudioko euskaltegiak aukeratu ditu pregoia irakurtzeko. Gauzak horrela, abuztuaren 14an, batetik, Bego eta Martin, AEKren ordezkariak eta, bestetik, Gurutze eta Patxi Udal Euskaltegikoak, udaletxeko areto nagusian agertu ziren jendeaurrean. Nork bere pregoi zatia irakurri, eta azkenean Oskorriren "Euskal Herrian euskaraz" kanta abestu zuten Arlotes taldearen laguntzarekin. Pregoilariek jaietako zapia jaso zuten Alkatearen eta Jai zinegotziaren eskutik, eta bi azunbreko pitxerra San Roke Kofradiako Maiordomoaren partetik. Behondeizuela! dena oso ondo atera zen eta.
